Safonau iaith

Rhowch y bai ar y blydi Eurovision’na.

Dyna’r brif reswm i mi fod mor esgeulus yn y blogio ers tipyn.

Ewch i JoyEurovision.com i weld ffrwyth oriau llawer o lafur cariad gan fy nghyfaill annwyl o americanwr  Hikaru Freeman a minnau.

Podlediau di-ri a blogpostyddion (??) niferus.

Ond gyda Baku, lleoliad cystadleuaeth Can i Ewrop eleni, ar y gorwel a minnau ar fy ngwyliau dyma fi yn dychwelyd i’r gornel unigryw honno o’r rhyngrwyd lle mae’r Gymraeg yn teyrnasu.

A materion ieithyddol sydd gennyf mewn golwg.

Yr wyf newydd weld cyfweliad Meri Huws, y Comisiynydd Iaith newydd, ar “CF99” am yr ymgynghoriad parthed “safonau iaith” fydd yn cael eu gosod ar amryw o sefydliadau yng Nghymru fach o dan y gyfundrefn ieithyddol newydd.

Nid sylwedd y safonau sy’n peri gofid i mi OND yr ieithwedd wrth drafod y ddefnydd ohonynt.

Son yr oedd Meri wrth iddi drafod gwasanaethau ac ati yn y Gymraeg am “y defnyddiwr” a’r “darparwr”.

Beth ?

Pwy ?

Pobl ydynt NID teitlau yn iaith wag y byd busnes.

Mae clywed y geiriau “canllawiau” a “phroses” yn ddigon i ddigalonni dyn (a dynes) ond i glywed y geiriau/termau “darparwr” a “defnyddiwr” mewn trafodaeth am iaith fyw yn ych-a-fi ar y naw.

Wrth son am y gyffordd ieithyddol mewn sefyllfaoedd trosglwyddo geiriol (EIRONI!!!!!!) dylid osgoi’r fath o ieithwedd a glywir yn llawer rhy aml yn yr iaith fain.

I lawer gormod ohonom sy’n medru’r Gymraeg, mae cadw trefn ar ein treigliadau a chystrawen yn ddigon o her, peidiwch â’n harwain ni ar hyd llwybr ieithyddol anffodus.

Mewn geiriau iaith arall, cul de sac.

Rho sylw

Filed under Uncategorized

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s