Santes o Fitzroy

Mae gan Awstralia ei santes gyntaf !

Erbyn hyn mae Mary Mackillop yn Santes Fair o’r Croes.

Mae’r holl ddathlu pabyddol sy wedi bod yn mynd ymlaen ar draws y wlad yn adlewyrchu rhywbeth a ddaeth fel tipyn o syndod i mi pan gyrhaeddais y wlad frown enfawr hon ym 1988.

Mae hon yn wlad eithaf pabyddol !

Yn ol y cyfrifiad diwethaf, mae tua 5 miliwn o Awstralwyr yn dweud eu bod nhw’n dilyn yr Eglwys Rufeinig.

Mae’r ffigurau braidd yn uwch yn fy nhyb i OND nid oes dwywaith bod presenoldeb a dylanwad yr eglwys hon yn fawr iawn.

Roedd’na dyndra  rhwng pabyddion ac anglicaniaid am ddegawdau ym meysydd gwleiddiaeth ac addysg.  I or-symyleiddiom roedd Llafur yn babyddol (a Gwyddelig) a’r Rhyddfrydwyr yn bobl Eglwys Loegr er enghraifft.

Nid oes rhaid ymhelaethu ar y fath o sefyllfa sy’n cael ei chreu gan agendor grefyddol !

Erbyn heddiw mae pethau wedi newid. 

Mae’r Eglwys Babyddol yn rhan o’r sefydiad er gwaeth neu er gwell.

Mae ei dylanwad ar y ddwy brif blaid wleidyddol yn sylweddol – mae’na sawl filiwn o bleidleisiau ar gael !

Un o lwyddiannau John Howard fel Prif Weinidog ceidwadol oedd ehangu ei “sgwad” o weinidogion i gynnwys nifer o babyddion.  Wrth gwrs, roedd agweddau cymdeithasol ceidwadol y rhain o gymorth i”w gyrfaoedd gwleidyddol hefyd.

Mae Tony Abbott, arweiydd presennol y Rhyddfrydwyr, yn babydd pybyr ac fe fydd yn ddiddorl gweld sut aiff e ati i fanteisio ar ffenominwm y Santes Fair.

Mae awdurdodau’r Eglwys Babyddol Awstralaidd yn disgwyl adferiad yn niferoedd eu cynulleidfaoedd yn sgil dyrchafiad Mary o Fitzroy gyda rhai’n dychwelyd wedi blynyddoed yn yr “anialwch”.

Os felly, a fydd y ffyddloniaid a aeth ar “goll” yn dod a syniadau mwy modern i eglwys sy’n draddodiadol yn ystyr gwaethaf y gair. 

Fe gawn ni weld.

Advertisements

Rhowch sylw

Filed under Uncategorized

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s