Gwlad eithafol

Mae gwyrdd a melyn ym mhob man.

Baneri ar nifer sylweddol o geir.

Ac mae ambell i  chop  a stecen yn cael ei losgi’n ulw.

Ond ar yr Oz Day hwn mae’r criced, y BBQs a phob dim arall wedi’u llugo i’r neilltu agn brotest yng Nganberra.

Mae’r Brif Weinidog AKA y ferch ben-goch o’r Barri wedi cael amser dramatig  gyda phrotestwyr aboriganiaidd yn creu stwr y tu allan i dy bwyta.

Roedd Julia Gillard (ac arweinydd yr wrthblaid Tony Abbott) yn gaeth yn yr adeilad am gyfnod oherwydd gwrthdystiad gan gefnogwyr yr “Aboriginal Tent Embassy” a godwyd o flaen hen Senedd-dy’r wlad 40 mlynedd yn ol.

Mwy am y stori:

Yn wir, mae digwyddiau’r 26ain o Ioanwr eleni yn dystiolaeth o’r ffaith ei fod bod ddiwrnod o ddathlu a chymlethdodau, dicter a digrifwch.

Dyma’r dydd ym 1788 pan gyrhaeddodd Capten Cook Bae Botany gan hawlio tir yr ynys enfawr hwn am y goron er bod miloedd o bobl wedi bod yn byw ar y tir mawr ers miloedd o flynyddoedd.

Fel sawl “traddodiad” Awstraliaidd mae’n weddol newydd.

Fe’i adnabyddwyd fel “Anniversary Day” neu “Foundation Day” am gyfnod hir a dim ond yn y tridegau cafodd y teitl “Australia Day” ei ddefnyddio ar draws Awstralia benbaladr. (http://www.australiaday.org.au/australia-day/history.aspx)

Ac wrth i’r genedl chwifio eu baneri mae sawl un trigiannydd yn gwynebu diwrnod caled yn wyneb natur.

Yng Ngorllewin Awstralia mae’na dannau i’r gogledd o Perth wrth i’r tymheredd gyrraedd DEUGAIN gradd a mwy !

Tra yn ne Queensland a gogledd De Cymru Newydd mae’na lifogydd difrifol.

Eithafon tywydd sy’n creu rhan o gymeriad Oz a’i phobl.

A nid oes rhyfeddd bod elfennau eraill yn y cymeriad hwnnw yn “eithafol” hefyd.

Yng ngeiriau’r bardd  Dorothea Mackeller yn ei cherdd “My Country”:

I love a sunburnt country,
A land of sweeping plains,
Of ragged mountain ranges,
Of droughts and flooding rains.

I love her far horizons,
I love her jewel-sea,
Her beauty and her terror
The wide brown land for me!

Llais a phrofiad – Colli Etta James

Gwlad y gân yw Cymru meddan nhw. Wel, nid yw’r “nhw” yn gwybod rhyw lawer am ganu neu gantorion yn fy marn i.

Y bobl biau’r  gân nid unrhyw ddarn o dir neu rhyw syniad o genedl.

Ac un o’r bobl mwya arbennig wrth ddelio a’r  gân oedd yr Americanes  Etta James a fu farw yn 73 oed.

Boed yn ”blues”, “R&B”, “rock ‘n roll”, ”jazz” neu ganu crefyddol yr oedd   Etta James heb ei hail.

Roedd ganddi hi’r gallu i wneud cân yn rhywbeth yn boenus o bersonol – iddi hi ac i’r gynulleidfa.

Hwyrach, roedd ei bywyd caled i’w gyfrif am hyn.

Ar ben plentyndod tlawd daeth cyfnodau maith mewn ysbytai fel oedolyn oherwydd ei phroblemaua gyda chyffuriau.   

Ond er gwaethaf pawb, popeth a heroin cododd ei llais i fynd a ni i’r uchel nefoedd.

Roedd ei dylanwad yn eang ac mae’na lu o gantorion benywyaidd cyfoes sy’n benderfynol o sicrhau parhad y dylanwad hwnnw.

Fel dywedodd un ohonynt, Bonnie Raitt: “There’s a lot going on Etta James’ voice … a  lot of pain, a lot of life, most of all, a lot of strength. She can be so raucous and down one song, and then break your heart with her subtlety and finesse the next. As raw as Etta is, there’s a great intelligence and wisdom in her singing.”

Un arbennig oedd Etta James.

Canu stori, gwneud hanes yn gerddorol, dweud gwirioneddau mewn cân.

Etta James.

Diolch amdani.

 

Meddyliau Agored

Y tenis sy’n teyrnasu ym Melbourne am y bythefnos nesaf.

Mae’r Open wedi dechreu ac mae’r ddinas yn for o gefnogwyr Sharapova a Safin, Clijsters a Djokovic, Murray a Williams sydd i’w gweld yn crwydro’r strydoedd gyda mapiau a photeli dwr yn eu llawiau.

Yn ol bois y tywydd fe fydd yr haul yn bihafio trwy gydol y gystadlaeuath, ond mae’na gwmwl back uwchben Melbourne Park sy’n gysylltiedig ag enfys.

Barn un o’r chwaraewyr tenis gorau a gynhyrchwyd gan y wlad hon, Maraget Court (http://en.wikipedia.org/wiki/Margaret_Court), sy’n cael ei herio gan ymgyrchwyr hawliau hoyw.

Yn ol y papur bach, yr Herald Sun (un o gyhoeddiadau News Ltd) “GAY rights activists plan to storm the Australian Open in protest at anti-gay comments by Australian tennis champion Margaret Court.”

Mae’r ymgyrchwyr yn bwriadu mynd a baneri’r enfys a gwisgo crysau-t enfysaidd  i’r tenis fel “datganiad” o’u gwrthwynebiad i’r hyn mae Ms Court, sy’n gweinidog gydag egwlys pentecostalaidd, wedi dweud am wrywgydiaeth ac yn y blaen.

Er enghraifft,  ”politically correct education has masterfully escorted homosexuality out from behind closed doors, into the community openly and now is aggressively demanding marriage rights that are not theirs to take”.

Gwir grefydd y wlad hon yw chwaraeon ac mae’na bulpud parod i unryw un sy a thipyn o allu gyda bat neu raced neu bob math o beli.

Cyn agor yn gyhoeddus  eich ceg fe ddylech chi feddwl ac ystyried. 

Dweud eich barn yn blaen ac yn ddi-dwyll, ond peidiwch a defnyddio iaith liwgar neu beryglus.

Mae gan Margaret Court bob hawl i ddweud eu dweud fel unigolyn…un o dros 20 miliwn sy’n byw yn y wlad hon.

Nid yw ennill Grand Slam yn eich dyrchafu chi ilwyfan cenedlaethol neu’r nefoedd.

Gawn ni weld pa liwiau a welir o gwmpas un o brif gyrtiau’r Open – Margaret Court Arena.

Edrych yn ôl, edrych ymlaen – cofio a gobeithio

Rhwng gwaith a gŵyl ydwyf wrth i mi deipio.

Y busness darlledu/newyddiadurol ar y naill llaw a chriced ar y MCG ar y llaw arall.

Tipyn o seibiant sydd gennyf ar fore heulog i hel feddyliau am 2011 ac i osod canllawiau/gobeithion/ofnau am y flwyddyn nesaf.

Un o’r pethe sy’n amlygu’r broses o fod yn ganol-oed yw’r cynnydd yn y nifer o golledion o’ch cwmpas.

Pobl, diddordebau, cymdeithasu’n gyhoeddus, naifrwydd, gwallt.

Ar yr un pryd mae’na ambell i ennillion.

Pwysau gan amlaf.

Heb os nac onibai mae 2011 wedi bod yn flwyddyn o golli, a cholli’n boenus.

Cyfeillion, anwyliaid cyfeillion a chyd-weithwyr.

Ac ar ben hynny mae nifer rhy fawr o lawer o bobl yr wyf yn eu nabod wedi gwynebu her iechyd neu emosiynol.

Rhywffordd yr wyf wedi dianc rhagddynt – y colledion personol, fi fy hun hynny yw - ond damwain a hap mae ‘di bod. 

Wrth edrych a cheisio deall tristwch a dicter y bobl o’m cwmpas yr wyf wedi sylweddoli un o’r gwirioneddau amlwg hynny sydd ddim mor amlwg mewn byd o lygadu’r cyfle/technoleg/cariad nesaf un.

A’r gwirionedd yw: bregus iawn yw ein gafael ar bethau.  Felly gwenud rhywbeth ohoni’n gloi boi bach.

A daw’r “gwneud” trwy wneud go iawn … a  gwerthfawrogi.

Nid dweud neu feddwl neu bendroni.

Symyl ond …

Ie, blwyddyn galed mae 2011 wedi bod hyd y gwelaf.

A 2012 ?

Y gwneud fydd … gwella.

Gwella ffordd o fyw a bod, gwella’r drefn ar bethe, mynd allan ym mhob ystyr a cheisio colli ambell i ofn.

A thrwy hyn oll rhaid cadw gwen wrth gefn.

Dyna ddigon am y tro … fwrdd a mi i’r MCG a’r cyfle o weld y Meistr Bach Sachin Tendulkar yn fyw !

Teledu – pawb a’i farn

teledu (mammal), species of badger found in Southeast Asia. (www.britannica.com)

teledu (noun), always being kick around.

Mae Sioned Williams wedi dewis ei deg rhaglen Gymraeg orau erioed ar wefan y BBC fel rhan o ymygyrch hyrwyddo rhaglenni Nadolig S4C.

(http://www.bbc.co.uk/cymru/teledu/safle/cyffredinol/pages/deg_uchaf.shtml)

Sioned yw  adolygydd celfyddydau ar Raglen Dewi Llwyd ar BBC Radio Cymru, a cholofnydd teledu Barn.

Y geiriau a ddefnyddir yw “Mae’r Nadolig yn amser o’r flwyddyn i fwynhau rhaglenni arbennig ar y teledu. Dros y blynyddoedd mae S4C wedi dangos amryw o glasuron yn ystod yr Ŵyl.  Sioned Williams, adolygydd celfyddydau ar raglen Dewi Llwyd ar Radio Cymru, a cholofnydd teledu Barn sydd yn dewis ei deg rhaglen Gymraeg orau erioed.”

Y deg rhaglen Nadoligaidd orau erioed mae’r erthygl yn meddwl – wel, rwy’n credu dyna beth mae’n ceisio dweud..

A dyma nhw:

1. Martha, Jac a Sianco (2008)

2. Nadolig Plentyn yng Nghymru (2008)

3. Ryan a Ronnie (2009)

4. Gadael Lenin (1993)

5. Ar y Tracs (2009)

6. Solomon a Gaenor (2000)

7. Gelert (2007)

8. 40 Ucha Siart y Dywediadau (2009)

9. Tân ar y Comin (1994)

10. Pobl y Chyff Nadolig (1992)

Ond beth AM y deg rhaglen Gymraeg orau erioed ?

Beth yw eich barn chi ?

Nid ydwyf wedi rhyw lawer o deledu Gymraeg ers 1988, ond dyma f’awgrymiadau.  

Plant y Paith, Miri Mawr,  Glas y Gorlan, Fo a Fe, rhaglenni etholiadol a refferendwm y BBC, Y Byd Ar Bedwar, Ryan a Ronnie, Pobol y Cwm, Cefn Gwlad a Dechreu Canu, Dechreu Canmol.

Beth yw eich barn chi ?  Y rhaglenni Cymraeg gorau erioed …

Disc a Dawn ?, Torri Gwynt ?, C’mon Midffild ? Dinas ?!!!!!!

Croeso i chi gyd wneud sylwadau

E-byst, pissed off

Gaf i yn gyntaf ymddiheuro i’r sawl sy wedi’u cythruddo gan fy nefnydd o eiriau anweddus/Saesneg yn nheitl y blog hwn.

Cywilydd arnaf, ond …

Yn ol ym Mis Hydref fel sgwennais hwn at y BBC .

Yn fras, yr oeddwn yn gofyn faint o gynnyrch Gymraeg a Gaeleg fyddai ar gael ar eu iPlayer Byd-Eang.  Daeth ateb yn ol (yn Gymraeg) gan BBC Cymru yn fy nghyfeirio at wefan BBC Worldwide.  Danfonais e-bost arall at y corff pwysig hwnnw ac hyd yma nid wyf wedi derbyn yr un gair mewn unrhyw iaith dan haul y blaned hon.

Mmmm.

Rwyf newydd ddanfon e-bost arall.  Yr ymateb sydyn: “Thanks you for your comments. Your message has been sent to our Corporate Communications team and will be passed to the relevant business area.”

Gawn ni weld.

Yn hen ddyddiau tywyll danfon llythyrau nid oedd modd gan gorff neu gwmni neu glwb osgoi eu cyfrifoldeb i’w hateb.

Nid felly y mae gydag e-byst.

Mae sawl cwmni – Amazon er enghraifft – yn wych wrth ymateb o fewn 24 awr.

Mae sawl un arall – BBC Worldwide yn eu plith – yn warthus o araf neu’n “oddefol ymosodol” (passive aggressive yn ol Google Translate).

A ninnau mewn oes aur o gyfathrebu meddan nhw.

Fel rwyf wedi dweud o’r blaen  mae’n siom a methiant bod S4C/BBC Cymru/Cynhyrchwyr eraill yn methu a daparu dim ond DWY raglen yr wythnos ar-lein.

Siom i ni – y diaspora Gymraeg (Gael yw unrhyw un sy’n medru’r Aeleg gyda llaw) a methiant ar ran y cyrff darlledu i ehangu eu cyraeddiad ac, o bosib, eu cyllidebau.

A ddaw e-bost neu byst i godi fy nghalon ar drothwy 2012 tybed ?

Neu a ddylwn i brynu stamp bost-awyr ?

Newidiadau

Mae’r Brif Weinidog Awstralia wedi newid ei chabinet.

Mae dewiswyr tim criced Awstralia yng nghanol trafodaethau am newidiadau mawr hefyd ar ol colli i Seland Newydd. (http://www.abc.net.au/news/2011-12-12/australia-v-new-zealand-day-four-summary/3727126?section=sport)

Cwis fach.  Pa stori sy’n mynd a bryd yr Aussies  ?

Cywir – y criced !!

Yr oedd perfformiad yr Aussies (http://www.abc.net.au/news/2011-12-12/aussie-test-loss-raises-questions/3727406?section=sport) yn drychinebus o wan.

Diffyg dyfal barhad, diffyg ysbryd go iawn a llawer mwy o ddiffygion.

Yr oedd’na adeg pan yr oedd yr Aussies yn cyflwyno chwaraewyr ifainc, di-brofiad yn rheoliadd.

Nid oedd hanes yn cyfrif wrth feddwl am ddewis tim.

Nid felly y mae hi y dyddiau hyn.

Mae Ricky Ponting yn y tim o hyd (http://anndraobell.wordpress.com/2011/03/29/cymeriad-a-chapten-a-thipyn-o-gonundrum/) er iddo fethu a dangos ei ddoniau disglair yn glir am gyfnod hir.

Mae’na eraill sy dros eu deg-ar-hugain sy hefydd yn dal yn y time ar sail perfforiamiadau’r gorffennol a dim byd arall.

Rhaid dweud nid yw pob chwaraewr ifainc a gyflwynwyd i’r tim wedi llwyddo chwaith.

Mae’r batiwr ymosodol Phillip Hughes wedi methu tro ar ol trol wedi’i ddal yn y slips.

Mae effaith criced cloi’r T-20 yn amlwg i bawb.

Yn wir, mewn pedair batiad yn erbyn Seland Newydd mae e wedi’i ddal gan Martin Guptil oddi ar fowlio Chris Martin … pedwair gwaith !

Ys dywed y cyn-fowliwr araf Kerry O’Keefe ar radio’r ABC - “if Phillip Hughes nicked himself shaving tomorrow Martin Guptil would leap out of the bathroom cabinet with a band-aid”.

India yw gwrthwynebwyr nesaf Awstralia gyda phrawf gyntaf yma ym Melbourne yn cychwyn ar Dydd San Steffan.

Dyddiau diddorol.

Mwy am y gwleidyddiaeth yn y man.

Tua’r Gorllewin

Yr wyf ar drothwy taith fach yn ol.

Yn ol mewn amser mewn mwy nag un ystyr.

Fe fyddaf yn gadael Melbourne am 8.30 y bore dydd Gwener ac ar ol ehediad pedair awr fe fyddaf yn cyrraedd am 9.30 y bore  tra’s aros yn Awstralia.

Ie, i Perth yr af i dros y Sul.

Roeddwn yn byw yno am ddeunaw mis yn y nawdegau cynnar ac fe fydd yn ddiddorol i weld beth sy wedi newid a beth sydd ddim.

Dyma uchafwynt talaith Gorllewin Awstralia yn ystod f’amser yno.

 Enillodd  yr West Coast Eagles eu pencampwriaeth AFL cyntaf ac am y tro cyntaf  yr oedd pobl y gorllewin yn gallu ei lordio hi dros weddill y wlad (ac i weld mwy o’r gem fawr ewch i’r fan hyn: http://www.youtube.com/watch?v=_5Eq051tZvw).

Ers 1992 mae pethe wedi newid yn syfrdanol o ran technoleg, cyfathrebu ac ati ond mae Perth yn dal yn ddinas sy’n bell, bell i ffwrdd o’r ddinas fawr nesaf.

Nid yw nifer y kilomedrau neu filltiroedd wedi newid ers i mi adael.

Yr hyn sydd wedi newid yw economi WA a’i pherthynas gydag Awstralia.

Mae’r busnes cloddio’n fwy o anghor economaidd nag erioed o’r blaen.

Yn wir, ar gefn cyfoeth y diwidiannau hynny yng Ngorllewin Awstralia (a Queensland) mae’r gweddill ohnom gallu byw bywydau neis yn ninasoedd dwyrain y cyfandir. 

Mae nifer fach o bobl WA yn son am dynnu allan o Oz a chreu cenedl newydd, ond mae’r mwyafrif yn hapus braf i fod yn rhan o’r Gymanwlad.

Fe fydd galw heibio unwaith et ar ol 15 mlynedd heb fod yn Perth, yn cynnig cyfle i mi weld effaith y chwyldro cloddio ar ddinas fach a saif ar lannau’r afon Swan ac ar hyd afordir Mor India.

Ydy hi wedi tyfu lan neu jyst wedi tyfu ?

Gawn ni weld.

A gyda llaw, tra yng Nghymru mae pobl yn son am bethau dychrynllyd yn digwydd “sha north” neu “yn y sowth”, yn y wlad hon mae pobl WA yn son yn yr un ffordd am y sawl sy’n byw y tu allan i’w talaith enfawr nhw fel pobl ”over east”.

 

 

 

Penwythnos “ddiddorol”

Mae ein hannwyl Brif Weinidog wedi cael trip fach i Sydney i Gynhadledd y Blaid Lafur Awstraliaidd.

Am unwaith fe gafwyd trafodaethau bywiog ar nifer o bynciau, yn wir yr oedd ‘na emosiwn i’w gweld ar sawl achlysur.

Y trafodaethau a aeth a’r penawdau oedd yn ymwenud a hawliau priodasol ac allforio uranium i India.

Cyfaddawd a gafwyd yn y ddadl am yr hawl i briodi a thrwy hynny wnaeth y Ferch Ben-Goch o’r Barri (AKA Julia Eileen Gillard) osgoi embaras llwyr.

A hithau yn ddi-briod OND yn cyd-fyw gyda’i phartner Tim ac yn rhywun sy wedi dweud yn gyhoeddus nad yw hi’n grefyddol, mae Gillard wedi llwyr ymwrthod a’r syniad o bobl fel fi yn cael yr hawl i briodi.

Scersli bilif, ond yn wir gyfeillion oll.

Pam ?

Nid oes neb yn gwybod yn iawn ond y gred yw ei bod hi’n llwyr ddibynnol ar bobl asgell dde ei phlaid, a daw’r rhan fwyaf o’r rhain o Dalaith De Cymru – y dalaith fwya babyddol yn Awstralia.

Yn y gynhadledd y gyfaddawd oedd newid polisi’r blaid i gefnogi priodasau “hoyw” OND ar yr un pryd rhoi pleidlais rydd ar y mater (digwyddiad prin yn yr ALP) i ASau pan ddaw’r mater i’s Senedd yn 2012.

Ymlaen i bethau byw a bod byd eang … neu’r ddadl niwcliar.

Mae Llafur wedi bod yn gryf  iawn am ddegawadau wrth  beidio defnyddio cyfoeth tanddaearol Oz mewn modd a allai fygwth ein planed mewn ffirydd niwcliar.

(Af i ddim mewn i effaith glo ac yn y blaen ar y blaned yn y blog hwn!!)

Mae’na lawer o uranium dan ein traed yn y parthau hyn – lot fawr.

Felly yr oedd ennill y dydd ac ennill yr hawl i ddanfon y stwff i India yn fuddugoliaeth fawr i Julia G.

Mae India yn wlad ddemocrataidd wrth gwrs ond… ond … ond …

Soniodd Julia am y “national interest” ac yn y blaen tra yr oedd eraill yn ei phlaid yn son am egwyddorion.

Mmmmmmm.

Mae Llafur ar i fyny tipyn bach yn y polau piniwn ar hyn o bryd.  Gawn ni weld pa effaith gaiff y gynhadledd ar y pleidleiswyr.

Am fwy ar gynhadledd ddifyr a bywiog:

“Araith” Julia Gillard am hawliau priodi: http://www.theaustralian.com.au/national-affairs/in-depth/julia-gillards-address-to-the-alp-national-conference-on-a-conscience-vote-for-gay-marriage/story-fnba0rxe-1226213001184 (Nid yw’r geiriau gay neu lesbian ynddi)

Yr elfen grefyddol yn y ddadl am briodi: http://www.theaustralian.com.au/national-affairs/in-depth/labor-faces-pulpit-led-backlash-on-gay-marriage/story-fnba0rxe-1226213649258?from=hot-topics-home

Criced ac uranium, wedi India…Pacistan nesaf ?: http://timesofindia.indiatimes.com/world/pakistan/Me-too-Pak-eyes-India-like-uranium-deal-with-Australia/articleshow/11000742.cms

Edrych yn ol: http://www.abc.net.au/unleashed/3712416.html a mwy fan hyn: http://www.crikey.com.au/topic/gay-marriage/

Geiriau, dim sens

Fel yr wyf wedi blogio o’r blaen un o’m pleserau mwayf yw pori mewn adroddiadau.

Helfa drysor yw hi i unrhyw gohebydd, chwilio am berlau ac am y cyrff y tu ol i’r soffa !

Pleser arall yw gwylio hynt a helyn S4C o bell ac yn ceisio dod i gasgliadau sy ddim a chysgod “bod yno” drostynt.

(Dyma rhai ohonynt: Methiant S4C i wasanaethu’r Cymry ar wasgar , Adroddiad Blynyddol S4C)

Cyhoeddwyd adroddiad Richie Turner ar S4C yr wythnos hon, ond yr wyf yn ofni y bydd cynnwys yr adroddiad yn cael ei foddi gan yr ymateb iddo.

(Dirprwy Gyfarwyddwr Yr Academi Fyd Eang ym Mhrifysgol Cymru yw Richie Turner.)

Dyma beth a ddywedodd Golwg  yn sgil y cyhoeddiad.

Dywedodd Richie Turner ei fod yn croesawu ymateb S4C a’r gwelliannau mae S4C wedi eu gwneud wrth weithredu’r newidiadau gafodd eu hargymhell yn ei adroddiad.

“Dylid cymeradwyo S4C am fod digon agored i gomisiynu adolygiad annibynnol o’i effeithlonrwydd a’i gallu arloesol,” meddai Richie Turner.

Er mwyn i bobl gweld yn glir dyma ychydig o eiriau’r Athro Turner.

Fe ddylai pobl eu darllen a phendroni ar y smonach a ddaeth i coridoriau (a swyddfeydd agored) Sianel 4 Cymru.

Er mwyn symud ymlaen rhaid dysgu A chofio’r gorffennol.

(Nodyn: Yr wyf wedi cynnig syniad am raglenni i s4c i’w cynhyrchu blwyddyn nesaf).

* “Yn allanol, disgrifiwyd diwylliant S4C fel un cyfrinachgar, gwleidyddol naïf, yn drahaus o gofio ei rôl, yr enghraifft waethaf o sut y dylai darlledwyr gwasanaeth cyhoeddus ymddwyn, heb ddealltwriaeth o wir natur y gymdeithas Gymraeg, yn profi anallu sylfaenol wrth gyfathrebu â’i randdeiliaid, yn amharod i fentro, yn analluog i ymddiried yn ei gyflenwyr, yn llawn meddyliau ynysig, yn dioddef o ddiffyg creadigrwydd ac yn amharod i newid.”

* “Roedd staff pob adran a thîm yn unfrydol bron wrth ddweud bod y trefniadau cynllunio mewnol yn wael, os oeddent yn bodoli o gwbl. Mae hyn yn achos pryder ac a dweud y gwir yn annerbyniol.

* “Gwnaeth nifer o’r rhanddeiliaid allanol a holwyd sylwadau fel “Mae’n ymddangos yn farw’n ddiwylliannol” … gellir crynhoi’r holl sylwadau allanol mewn un datganiad “Fel gofod creadigol, mae’r lle’n sugno fy holl greadigrwydd y funud yr wyf yn cerdded i mewn drwy’r drws”.”

* “Mae’n debyg bod brîff S4C yn fwy manwl a chymhleth na rhai darlledwyr eraill yn y DU. Pam?”

Geiriau eithaf cryf a di-flewyn ar dafod.

Da iawn.

Ond beth am yr argymhellion ?

Y moddion i ddatrys pob problem ?

Gwobr i unrhyw un sy’n deall yr hyn a ddywedir gan yr annwyl Athro.

“I grynhoi, rwyf yn cynnig bod S4C yn ymdrechu i fod yn sefydliad We Think er mwyn iddo arddangos nodweddion sefydliad creadigol, agored, arloesol, sy’n cael ei werthfawrogi, sy’n hyblyg, sy’n cael ei arwain o’r gwaelod i fyny, ac sy’n amrywiol a chydweithredol.”

Wrth gwrs, roedd Wil yn dweud yr union un peth wrthyf yn y Mart dydd Llun.

Beth ar wyneb y ddaear ……..?

Dwi am gynnig cymorth i chi bobl druenus sydd ddim yn deall,  get with the plan bois.

Dyma 7 cam We Think.

Ennyn Angerdd, Dathlu Syniadau, Meithrin Annibynniaeth, Annog Dewrder, Methu Ymlaen, Meddwl yn Fach a Chynyddu Amrywiaeth.

Oes angen adroddiad arall … ar yr adroddiad ?

Wel, am enghraifft arall o iaith di-ddim, di-sylwedd dyma’r frawddeg allweddol yn ymateb Awdurdod S4C i’r adroddiad.

“Er bod yr Awdurdod yn awyddus i ddatgan ei farn bod y gwaith o roi sylw i lawer o’r materion y mae’r Adroddiad yn cyfeirio atynt wedi dechrau erbyn yr adeg pan gynhaliwyd y sgyrsiau sy’n sail iddo, mae’n credu mai’r flaenoriaeth yw cydnabod dilysrwydd yr heriau y mae Mr Turner yn eu gosod, adnabod lle mae camau eisoes wedi’u cymryd i roi sylw i wendidau, a chanfod ble mae angen gwneud gwaith pellach, ac i ba raddau y mae gwaith o’r fath yn debygol o ddilyn y trywyddau a awgrymwyd gan Mr Turner.”

 Yn ol fy ngyfrif:  90 gair.

Beirniadaeth glir, ac yna argymhellion llawn mumbo jumbo.

Each-way bet ?

A’m ymateb i hyn oll ?